اتـحـر ك
بِحُـــرِ يَّـــة
اتـحـر ك بِحُـــرِ يَّـــة
عيش حياتك
بكامل لياقتك
عيش حياتك بكامل لياقتك
فــلـســـفــــتـي
فلسفتي بسيطة لكن فعالة:
استعيد لياقتك اتحرك بحرية وعيش حياتك بالكامل
أنا مؤمن بحقيقة بسيطة - اجسامنا مصممة للحركة. تخيل طفل صغير بياخد لعبة من على الأرض - هتلاقيه اخد وضع Deep Squate بكل سهولة وبساطة. جسمك المفروض يتحرك بنفس السهولة والحرية دي، لكن حياتنا العصرية حطت علينا حدود كتير. ساعات طويلة في المكتب، وقت كتير في العربية، ونمط حياة خلى حركتنا الطبيعية تقل شوية بشوية، وخلى جسمنا وعقلنا وصحتنا تتأثر.
لكن هنا، هنكسر الحدود دي.
أنا بدمج تدريب الحركة والمرونة بحركات مبتكرة مش عشان بس تخسر دهون أو تبني عضلات، لكن عشان تكتشف إمكانيات جسمك بالكامل. أنا مؤمن إن المرونة هي السر عشان تتحرك أحسن، تحس بأحسن، وتعيش أحسن.
هدفي مش بس اكون بساعدك في الطريق، لكن اني اعلمك كل اللي محتاجه عشان تكون انت دليلك الخاص في المستقبل.
ليه التركيز على المرونة؟
الحياة، بمطالبها المتزايدة، بتخلي أجسامنا متيبسة وحركاتنا محدودة، وحتى المهام البسيطة بقت تحديات بنواجهها كل يوم. التوتر، الخمول، ساعات الشغل الطويلة، كلها حاجات بتؤدي لشد العضلات، تقليص مدى الحركة، وتدهور صحة المفاصل. مع الوقت، بتحس وكأنك محبوس جوا جسدك.
هنا بيجي دوري عشان اساعدك.
منهجي يعتمد على إيمان أساسي واحد:
المرونة هي مفتاح استعادة التصميم الطبيعي لجسمك.
الموضوع مش بس انك تتحرك بسهولة؛ لكن كمان بيشتغل على إعادة قدرة مفاصلك انها تتحرك بسلاسة. .
وقتها هتقدر تتحرك بحرية، وتعيش بكامل طاقتك ولياقتك.
من خلال حركات مخصصة، بساعدك على استعادة مرونة جسمك، مع التركيز على مدى الحركة عشان تستعيد كامل قدرات جسمك اللي فقدتها مع الوقت. ده بيساعدك تقلل الإصابات، تحسن من وضعيات جسمك وحركتك، وتطور قوة جسدية تعيش معاك باقي حياتك. سواء كنت رياضي بتدور على أداء عالي أو شخص عاوز بس يحس بالراحة اثناء حركته في حياته اليومية .. انا هنا عشان اساعدك.
إزاي بساعدك تتحرك بحرية
01
صحة المفاصل
استرجاع مدى حركة المفاصل عشان تقدر تتحرك بدون ألم.
02
الحركة الوظيفية
تنجز مهامك اليومية بسهولة ومرونة، بالطريقة اللي جسمك متصمم ليها
03
الوقاية من الإصابات
تقوية جسمك عشان تمنع الإصابات وتفضل نشيط، مهما كان سنك أو مستوى لياقتك
04
الأداء الرياضي:
تقوية جسمك ومرونتك وقدرتك على التحمل عشان تحسن أدائك في أي رياضة.
05
التعافي والنتائج المستمرة
تفضل قوي ونشيط، تتعافى أسرع، وتحافظ على مرونتك لفترة طويلة.